«Մենք ընդունակ ենք հաղթել «Նոու Կամպում»,-նշել է Ալոնսոն:
Սուպերկլասիկոյի ավարտից անմիջապես հետո Խաբի Ալոնսոն վերլուծեց հանդիպումը. «Սա տիտղոս է, և բնականաբար ուզում ենք նվաճել այն: Լավ գիտենք, թե ինչպես է պետք խաղալ դրան հասնելու համար»,-հավաստիացրեց «Ռեալի» երկրորդ գոլի հեղինակը:
«Խաղի արդյունքը չի կարելի որակել որպես ձեռնտու, սակայն այն վատն էլ չէ: Լավ զգացողություններ ստացա խաղից, սակայն արժանի չէինք այս հաշվին: Այժմ երեք օր ունենք որոշիչ խաղին լավ պատրաստվելու համար: Սա տիտղոս է, և բնականաբար ուզում ենք նվաճել այն: Լավ գիտենք, թե ինչպես է պետք խաղալ դրան հասնելու համար»:
Ալոնսոն խոսեց այն գոլի մաին, որի շնորհիվ «Ռեալը» կարողացավ հավասարեցնել խաղի հաշիվը. «Պեպեն լավ փոխանցում կատարեց իմ ուղղությամբ, իրեն լավ դրսևորեց այդ դրվագում: Մենք ոչ-ոքիի համար չէինք խաղում, և մեկնելու ենք Բարսելոնա միայն հաղթնակի ետևից: Մենք ընդունակ ենք հաղթել «Նոու Կամպում»,-հավաստիացրել է Խաբի Ալոնսոն:
