«Մենք ամեն ինչ արեցինք հաղթելու համար, սակայն երբեմն ֆուտբոլը անարդար է»,-նշել է Կալյեխոնը:
Ռոնալդուն վստահ է, որ Սուպերգավաթի պատասխան խաղում, որը տեղի կունենա «Կամպ Նոու» մարզադաշտում, իրենց հաղթելու շանսերը մեծ են: Հանդիպումից հետո պորտուգալացին վերլուծել է խաղը. «Չորեքշաբթի օրը բաց խաղ է լինելու, սակայն մենք վստահ ենք և կարող ենք հաղթել»,-ասել է Ռոնալդուն: «Ցավալի էր: Մենք ավելի լավ խաղացինք, քան մրցակիցը, ունեինք շատ հնարավորություններ: Մենք կարող էինք հաղթել»: Վերջում Ռոնալդուն կասկած հայտնեց մրցավար Վիտիենեսի որոշման հետ կապված, երբ Վալդեսի կոպիտ խաղից հետո պորտուգալացին ընկավ մրցակցի տուգանային հրապարակում. «11-մետրանոց հարված էր, բայց դա մրցավարի որոշումն էր, ուրեմն պետք է հարգել այն»,-ավարտել է Ռոնալդուն:
Կալյեխոնը, ով իր նորամուտը նշեց պաշտոնական խաղերում, ևս հայտնել է իր կարծիքը «Բարսելոնայի» դեմ խաղից հետո. «Այսպիսի խաղերում պետք է ներդնես ողջ ներուժդ: Իսկ ֆուտբոլը երբեմն անարդար է»: Վերջում Կալյեխոնը ասաց, թե ինչ խորհուրդներ է տալիս իրեն Մոուրինյոն խաղերից առաջ. «Ինձ ասում է, որ շարունակեմ խաղալ այնպես, ինչպես մինչմրցաշրջանում, և որ չհուզվեմ խաղադաշտ դուրս գալուց առաջ»:
