Բարսելոնայի մարզական փոխնախագահն անչափ գոհ է, որ թիմն արդեն պաշտոնական տիտղոս է նվաճել 2011/2012 մրցաշրջանում: Սա նաև ակումբի պատմության մեջ հոբելյանական 10 - րդ Իսպանիայի սուպերգվաթն է ու 3 - րդն անընդմեջ, ինչը ռեկորդ է:
"Առաջին մրցանակը հիանալի խաղի և առավելագույն աստճանի մրցակցության պայմաններում: Խոսքը գնում է շատ կարևոր մրցանակի մասին, որով մեկնարկում է մրցաշրջանը", - ասաց Խոսեպ Մարիա Բարտոմեուն:
Նա գոհ էր նաև նրանից, որ կայացավ Ֆրանսեսկ Ֆաբրեգասի նորամուտը հենց այս խաղում: "Նա ցուցադրեց այն խաղը, որը հատուկ է Բարսելոնայի խաղացողին, ինչպես նաև գործի դրեց այն խաղային որակները, որոնք նա ունի", - մեկնաբանեց Բարտոմեուն:
Նա ընդգծեց, որ "մենք մտադիր ենք Ժոան Գամպերի գավաթն անցկացնել հենց օգոստոսի 22 - ին", չնայած, որ ամենայն հավանականությամբ AFE - ի բոյկոտն այդ օրը շարունակվելու է:
Վերջում Բարտոմեուն խոսեց այն տհաճ միջադեպի մասին, որ տեղի ունեցավ հանդիպման վերջնամասում. "Շատ ցավալի է, որ նման բաներ են տեղի ունենում: Այդ դրվագները շատ բանի մասին են խոսում":
