Չավին, չնայած, որ ֆուտբոլում թիմային գրեթե բոլոր մրցանակներին արժանացել է, դեռ ցանկանում է հաղթել և շատ ուրախ է հերթական գավաթի համար:
Իսպանիայի սուպերգավաթը Չավիի համար արդեն 17 - րդ գավաթն է կարիերայի ընթացքում: Դա ևս 1 պատճառ է, ինչի համար Բարսայի փոխավագը կարող է հպարտանալ: Նա գիտակցում է, որ, հնարավոր է, թիմն այդքան էլ լավ վիճակում չէր մոտեցել խաղին, բայց "մենք խաղացինք մեր խաղը: Ի վերջո հաջողությունը մեզ ժպտած և մենք նվաճեցինք այս սուպերգավաթը": Նա ավելացրեց. "Մենք գոհ ենք, քանզի, չնայած վատ մարզավիճակին, մենք գերազանցեցինք Ռեալին":
Հիասթափված է Ռեալից
Հանդիպման վերջում Մարսելոյի կոպիտ սահանկումից հետո վեճ սկսվեց, ինչի կապակցությամբ Չավին ասում է. "Ռեալը խղճուկ իրավիճակում էր: Այդ դրվագներն ամեն ինչի մասին խոսում են": Վերջում նա հայտարարեց. "Մենք հավատում ենք ֆուտբոլային արդարությանը և այսօր ևս 1 անգամ դա ապացուցեինք":
Պիկե
Խաղից հետո լրագրողների հետ խոսեց նաև Պիկեն. "Այս տիտղոսը կարևոր էր: Մենք գիտեինք, որ դժվար է լինելու, քանզի նրանք ավելի լավ էին պատրաստվել: Նրանք ուժեղ էին, բայց մենք օգտագործեցինք մեր պահերն ու կրկին մեզ մոտ ենք բերում Իսպանիայի սուպերգավաթը": Ժերարդն ավելացրեց, որ "սա շատ լարված հանդիպում էր, որի ելքը մինչև վերջ պարզ չէր":
Ֆոտոսեսիա ՈՒԵՖԱ - ի համար
ՈՒրբաթ օրն առաջին թիմը կանցկացնի իր առաջին ֆոտոսեսիան, որ սովորաբար լինում մրցաշրջանից առաջ: Այն կսկսվի Երևանի ժամանակով 21:00 - ին Սյուտատ Էսպորտիվա մարզաբազայում` փակ դռների հետևում:
