Մրցաշրջանը դեռ նոր է մեկնարկում, բայց Մեսսին արդեն հերթական ռեկորդն է սահմանել: Այսօրվանից սկսած Մեսսին Իսպանիայի սուպերգավաթի պատմության մեջ ամենաշատ գոլեր հեղինակած ֆուտբոլիստն է: 2 խաղերում Ռեալի դարպասը խփած 3 գոլերը նրա գնդակների թիվն Իսպանիայի սուպերգավաթում հասցրեց 8 - ի, ինչը 1 - ով ավելին է, քան Ռաուլի ցուցանիշը, որը մինչ այսօր ռեկորդային էր համարվում:
Ռեկորդը ռեկորդի հետևից
Մրցավարի վերջնական սուլիցիչ հետո, բացի այդ ռեկորդից, Մեսսին նաև անձնական ռեկորդ սահմանեց` Ռեալ Մադրիդի դեմ նա արդեն 6 խաղ անընդմեջ առանց գոլի խաղադաշտից չի հեռանում: Իսկ ընդհանուր առմամբ Մեսսին 24 տարեկան հասակում 15 Էլ Կլասիկոյում արդեն 13 գոլ է հեղինակել ու Ռաուլի ռեկորդից հետ է մնում միայն 1 գոլով:
Ինչպես երևում է, Բարսայի հետ ընդամենը 1 շաբաթ մարզվելն էլ բավական էր Լեո Մեսսիի համար, որպեսզի լավ մարզավիճակ ձեռք բերի: Բացի 3 գոլերից Ռեալի դեմ խաղերում, նա նաև 2 գոլային փոխանցում կատարեց Վիլյային ու Ինիեստային: Եթե առաջինի դեպքում գոլային փոխանցումը մի փոքր սխալ է հնչում, ապա Ինիեստայի գոլի մեջ Մեսսին անչափ մեծ դեր ուներ:
