Ժոան Գամպերի գավաթի մեկնարկից առաջ կայացավ Բարսելոնայի 2011/2012 մրցաշրջանի կազմի ներկայացումը երկրպագուներին: Այդ միջոցառման ժամանակ հիշվեցին 4 ՉԼ - ի գավաթները:
Նոու Կամպը ևս 1 հնարավորություն ստացավ հնչեցնել իր հերոսների անունները Նապոլիի դեմ խաղից առաջ: Բանն այն է, որ Բարսայում ընդունված է Ժոան Գամպերի գավաթի մեկնարկից առաջ ներկայացնել գալիք մրցաշրջանի կազմը: Այդ միջոցառման ժամանակ ելույթ ունեցան Պեպն ու Պույոլը:
"Առաջին հերթին ես ցանկանում եմ շնորհակալություն հայտնել Ժեֆրենից, Բոյանից ու Միլիտոյից, որոնք այս տարիների ընթացքում մեզ շատ օգնեցին: Դժվար է հաղթել` անկախ մրցակցության աստճանից: Իսկ կրկին հաղթելն էլ ավելի դժվար է: Մենք այս ընթացքում ջանասիրաբար աշխատել ենք և այժմ հպարտ ենք", - ասաց Գվարդիոլան, ով նաև խոսք տվեց, որ ինքն ու իր խաղացողները գաիք մրցաշրջանում կներդնեն իրենց ողջ ուժերը և կոչ արեց երկրպագուներին մնալ թիմի կողքին:
Խաղացողների ժամը
Պույոլը ողջունեց Բարսայի նորեկներին ու ասաց. "Մրցաշրջանը լավ է սկսվել: Մենք արդեն 1 տիտղոս ունենք, բայց մենք ավելին ենք ցանկանում և Ձեր օգնությամբ կնվաճենք դրանք: Ձեր աջակցությամբ մենք կշարունակենք պատմություն կերտել": Մինչ թիմի ավագի այս խոսքերը խաղացողները բուռն ծափողջյունների ներքո մտան խաղադաշտ հետևյալ հերթականությամբ` Ալեքսիս, Սեսկ, Պույոլ, Ֆոնտաս, Պիկե, Աֆելլայ, Աբիդալ, Վալդես, Կեյտա, Ադրիանո, Ալվես, Մաքսվել, Ինիեստա, Բուսկետս, Չավի, Տիագո, Վիլյա, Պինտո, Մասկերանո, Պեդրո և վերջապես Մեսսի:
Եվրոպական հիշողություններ
Երեկոն Նոու Կամպում սկսվեց շատ բուռն կերպով, նամանավանդ, երբ հիշատակվեցին ակումբի պատմության բոլոր 4 ՉԼ - ի գավաթները: Խաղադաշտի կենտրոնում հերթականությամբ դրված էին 4 մեծ գնդակներ, որոնց վրա գրված էր "ՈՒեմբլի 1992", "Փարիզ 2006", "Հռոմ 2009" և "ՈՒեմբլի 2011":
