Բարսելոնա - Միլան հանդիպումը դասվում է եվրոպական կլասիկոների շարքին: Այս հեղինակավոր ակումբները բազմիցս բախվել են իրար, ուստի ժամանակի ընթացքում ձևավորվել են բավական հետաքրքիր թվեր և փաստեր, որոնց առաջարկում ենք ծանոթանալ այժմ:
► Բարսելոնա - Միլան հանդիպումը կկայանա ՈՒեմբլիի եզրափակչից ուղիղ 110 օր անց:
► Բարսան ու Միլանը 11 անգամ հանդիպել են իրար: Ձևավորվել է բացարձակ հավասարություն` 4 - ական հաղթանակ և 3 ոչ ոքի:
► Բարսան ու Միլանը 1994 թվականի Աթենքի եզրափակչում վիճարկել են ՉԼ - ի գավաթը: Կրույֆի Բարսան խայտառակ պարտություն է կրել 4 - 0 հաշվով:
► 2005/2006 մրցաշրջանում Ֆրանկ Ռայկարդի գլխավորած Բարսան Լյուդովիկո Ժուլիի Սան Սիրոյում խփած միակ գոլի շնորհիվ դուրս թողեց Միլանին ՉԼ - ի կիսաեզրափակչից:
► Վերջին անգամ այս թիմերը հանդիպել են 2010 թվականին, երբ Բարսան հետխաղյա 11 մետրանոցներով հաղթել է ռոսոներիներին Ժոան Գամպերի գավաթի խաղարկությունում: Հիմնական ժամանակն ավարտվել էր 1 - 1 հաշվով:
► 2007 թվականին Միլանը հաղթեց ՉԼ - ում: Այդ օրվանից ի վեր ռոսոներիները 1/4 եզրափակչից այն կողմ չեն կարողացել գնալ Չեմպիոնների լիգայում:
► Նոու Կամպում ՉԼ - ի վերջին 10 խաղերում Բարսան տոնել է 9 հաղթանակ և 1 հանդիպում ավարտել է ոչ ոքի:
► Ինչ այս մրցաշարն անվանվել է Չեմպիոնների լիգա, Բարսան խմբային փուլի մեկնարկային խաղում միայն 1 անգամ է պարտվել:
► Վերջին 10 տարիներին Միլանը հաղթանակով է սկսել իր ելույթները ՉԼ - ում:
► Այժմյան Միլանում կան 3 խաղացողներ, ովքեր նախկինում խաղացել են Բարսայի կազմում` Մարկ վան Բոմել (2005/2006), Ջանլուկա Ձամրոտա (2006/2008) և Զլատան Իբրահիմովիչ (2009/10):
► Խավիեր Մասկերանոն և նոր Միլան տեղափոխված Ալբերտո Ակվիլանին ժամանակին` 2009/2010 մրցաշրջանում, իրար հետ խաղացել են Լիվերպուլում: Իսկ Ֆրանսեսկ Ֆաբրեգասն ու Մետյե Ֆլամինին 2004 - ից մինչ 2008 թվականն իրար հետ խաղացել են Արսենալում:
► Հանդիպում կսպասարկի անգլիացի Մարտին Ատկինսոնը, ով երբեք Բարսայի կամ Միլանի մասնակցությամբ և ոչ մի հանդիպում չի սպասարկել:
