Բարսելոնա տեղափոխվելու առաջին իսկ օրվանից Ֆրանսեսկ Ֆաբրեգասը դարձել է կատալոնյան թիմի երկրպագուների ամենասիրելի խաղացողներից մեկը:
Այսօր առավոտյան ակոումբի պաշտոնական խանութում վաճառքի էր հանվել Սեսկի 4 համարի մարզաշապիկը: Այն ռեկորդային արագությամբ սպառվեց և, չնայած, որ խանութի պահեստում Ֆաբրեգասի մարզաշապիկների բավական մեծ պաշար կար, շատերին այն բաժին չհասավ: Այն էլ այն պարագայում, որ այս ժամանակահատվածում, երբ Կատալոնիայի մայրաքաղաքում անչափ շոգ եղանակ է, շատերը լքել են քաղաքը հանգստանալու ու ամառվա տապից փրկվելու նպատակով:
Սակայն, ինչպես երևում է, քաղաքում մնացած կատալոնացիների և Բարսելոնա ժամանած զբոսաշրջիկների համար Սեսկն ու Բարսան նույնքան սիրելի են:
