Սեսկը կարող է Երևանի ժամանակով օգոստոսի 18 - ին` 02:00 - ին, իր 3 - րդ խաղն անցկացնել Ռեալ Մադրիդի դեմ կարիերայի ընթացքում: Որոշողը Գվարդիոլան է: Նախորդ 2 խաղերը Ռեալի դեմ Ֆաբին անցկացրել է 2005/2006 մրցաշրջանում` ՉԼ - ի շրջանակներում:
Ռեալի երկրպագուներն ամենևին լավ հիշողություններ չունեն Սեսկի վերաբերյալ: Այդ 2 խաղերում էլ նա եղել է մեկնարկային կազմում և փայլուն է դրսևորել իրեն: Արսենալն էլ դուրս է թողել մադրիդցիներին ՉԼ - ի 1/8 եզրափակչից: Այդ ժամանակ Ֆաբրեգասն ընդամենը 18 տարեկան էր:
Սեսկն ու Անրին պատժում են Ռեալին
2006 թվականի փետրվարի 16 - ին Սանտիագո Բեռնաբեուում կայացավ Ռեալ Մադրիդ - Արսենալ դիմակայության առաջին խաղը: Այդ խաղում զինագործները հաղթեցին 0 - 1 հաշվով, իսկ հանդիպման ու նաև դիմակայության միակ գնդակը հեղինակեց Անրին, երբ Սեսկը դաշտի կենտրոնում խլեց գնդակն ու փոխանցեց ֆրանսիացուն: Վերջինս փայլուն անցում ձեռնարկեց ու գրավեց մադրիդցիների դարպասը:
Հանդիպման 89 - րդ րոպեին, երբ Ֆաբրեգասի փոխարեն խաղադաշտ դուրս եկավ Սոնգը, երկրպագուները ծափահարություներով ճանապարհեցին Բարսայի սանին:
Հայբերիում 0 - 0
Այդ խաղից 3 շաբաթ անց կայացավ թիմերի պատասխան խաղը: Սեսկը կրկին Արսենալի մեկնարկային կազմում էր: Ֆաբրեգասն այդ խաղում ավելի շատ էր միտված հարձակմանն ու մի քանի վտանգավոր պահեր ստեղծեց: Հանդիպումն ավարտեց 0 - 0 հաշվով և Արսենալ դուրս եկավ 1/4 եզրափակիչ:
Փարիզյան եզրափակիչ
Արսենալն այդ տարի հաղթահարեց նաև 1/4 եզրափակչի արգելքը: Կիսաեզրափակիչը զինագործները նույնպես հաղթահարեցին, սակայն եզրափակչում նրանց ճանապարհին կանգնեց Բարսելոնան Ռոնալդինյոյի գլխավորությամբ: Կատալոնյան թիմը կամային հաղթանակ տոնեց 2 - 1 հաշվով ու տիրացավ բաղձալի գավաթին: Սեսկն այդ խաղում մեկնարկային կազմում էր և խաղադաշտում անցկացրեց 75 րոպե, մինչ Վենգերը Ֆաբրեգասի փոխարեն խաղադաշտ դուրս բերեց Ֆլամինիին:
