Ինչպես հաղորդում է Բարսելոնայի պաշտոնական կայքը, բրիտանական հեղինակավոր goal.com կայքը 2010/2011 մրցաշրջանի աշխարհի լավագույն խաղացող է ճանաչել Լիոնել Մեսսին: Բարսայի այժմյան կազմից լավագույն 50 - յակում տեղ են զբաղեցրել անմիջապես 11 խաղացող:
Ըստ goal.com - ի, լավագույն քառյակն ունի հետևյալ տեսքը` Լիոնել Մեսսի, Քրիստիանո Ռոնալդո, Չավի Էրնանդես և Անդրես Ինիեստա: Այդպիսով, Եվրոպայի 2010/2011 մրցաշրջանի լավագույն խաղացողի կոչման 3 հավակնորդները գրավում են առաջին 3 հորիզոնականները: "Հպարտություն և պատիվ է գլխավորել լավագույն 50 - յակը", - ասել է Մեսսին այս ամենի առթիվ ու ավելացրել է. "Ես շատ երջանիկ եմ և դա ինձ ուժ է տալիս, որպեսզի պահեմ նույն խաղամակարդակը Բարսայում ու Արգենտինայի հավաքականում":
2007/2008 մրցաշրջանում այս կոչմանն արժանացել էր Քրիստիանո Ռոնալդոն, 2008/2009 - ին` Լիոնել Մեսսին, 2009/2010 - ին` ՈՒեսլի Սնեյդերը և ահա 2010/2011 - ում կրկին հաղթեց Լեոն:
Բացի Մեսսիից (1), Բարսայից լավագույն 50 - յակում էին նաև Չավին (3), Ինիեստան (4), Ալեքսիսը (7), Պիկեն (13), Ալվեսը (20), Վիլյան (22), Բուսկետսը (29), Պույոլը (37), Սեսկը (45) ու Վալդեսը (46):
